Færslur: 2006 Ágúst

31.08.2006 00:46

þokkalega flott mar.....

held að mín örfáu atkvæði hafi nú haft eitthvað að segja síðustu nótt hehehehe....helv..netið var nú bara að fara illa með mann en mar lét sig hafa það að reyna í næstum því 50 mín...og náði nokkrum í gegn. En já það er nokkuð ljóst að það verða andvökunætur í næstu viku að horfa..hvort sem mar fær að kjósa eða ekki...ef það verður svipað og í fyrra hjá INXS þá var held ég ekki kosið þegar það var komið svona langt. En það kemur nú bara fljótlega í ljós...úff þetta er geðveikt frekar fyndið að þetta skuli gerast svona hehe. 
En já annars er þetta bara hinur fínustu dagar í fjöllunum...kallinn kominn úr veiðinni og veiddi einhverjar gæsir. Það var mikið fjör og gaman hjá þeim bræðrum. Nóg að gera framundann og eins og alltaf allt á sama tíma. Framundan er að plana eitthvað vinnudjamm um miðjan sept á eftir að koma betur í ljós á næstu dögum þegar ég næ sambandi við skemmtinefndina (Valdísi) hehe og í sömu viku..meirað segja daginn áður verður matarklúbburinn startaður aftur og það kvöld er lokaþáttur Rock star Supernova! og það verður sko horft hvort sem Magni verði þar eða ekki...bara gaman það verður þokkalega þreytt vika mar! úff púff...liggur við að mar verður þreytt strax en verður bara gaman!
Svo eru það réttir...spurning hva mar gerir þetta árið..ætla að láta það bara ráðast svona eftir veðri og vindum og stemmingu!
En styttist í að mar fari að sofa...svo mar verði nú eitthvað með viti á morgun..held ég eigi að elda í vinnunni á morgun verður gaman að sofna ofaní pottana hehe
úff Dilana í bottom 3!! geðveikt  finnst hún samt alveg ágæt...á nú ekki von á því að hún fari heim...en jæja hætt í bili farið vel með ykkur og passið ykkur á bílunum...hef miklar áhyggur af öllum þessum banaslysum undanfarið...

28.08.2006 18:57

hverjir ætla að kjósa á morgun????

það ætla ég sko að gera! Það verður bara lagt sig eftir vinnu á morgun svo mar geti vakað annaðkvöld eða nótt til að kjósa aðeins...er búin að lesa um hvernig honum gekk en segi ekki meir!   Svo er mar löglega afsakaður fyrir því að mæta þreytt í vinnu á miðvikudagsmorgun og ekki spurning líka á fimmtudagsmorgun! mar sefur bara um helgina! Þetta verður gífulega spennandi!!!
En já svo sem lítið annað að frétta.  Kallinn farinn í smá gæsaveiði með bróður sínum og vonandi ná þeir nú að fá einhverja veiði hehe spurning hvort þetta sé eitthvað of snemmt að fara að veiða þetta haustið.  En spáir kólnandi þannig að ætti alveg að sleppa. En já og IKEA listinn kom í dag...alltaf gaman að honum...ætla nú samt ekki að versla neitt úr honum á þessu ári..en aldrei að vita hvað gerist á því næsta
En já þangað til næst hafið það gott...og munið! ekki gleyma að kjósa Magna!!!

26.08.2006 15:37

mar verður að standa sig...

það er einhver leti í manni að blogga núna síðustu daga...ætli það sé ekki bara viðbrigði eftir sumarfríið annars er svo sem lítið að frétta...verið nóg að gera í vinnunni svona fyrstu vikuna og því bara rólegheit eftir hana. En já...eins og ég segi..ekkert að gerast í fjöllunum.  Naggrísirnir eru ennþá hressir og sprækir og er núna sirka mánuður þangað til við getum látið þá frá okkur.  Finnst nú ekki eins mikil læti í þessum og hinum hehe en það er einhver læti nú samt í þeim...þarf samt ekki ennþá að sópa gólfið á hverjum degi. En ætla að fara að taka myndir af þeim fljótlega og setj það inn þá um leið.

21.08.2006 21:45

sko.....

þegar pabbi er farinn að kvarta undan bloggleti í mér þá er nú kominn tími á að skrá eitthvað hérna En já annars er mar komin í fjöllin aftur og var helgin tekin með ró þar.  Aðeins kíkt í bæinn á laugardag og síðan sunnudagur tekin með rólegheitum.  Síðan var það fyrsti dagur í vinnu í dag eftir sumarfrí....alltaf erfitt að drullast í vinnu aftur en mar hafði það af þó svo erfitt hafi verið að vakna aftur eldsnemma..var komin í ágæta rútínu að sofa aðeins út! En get núna talið dagana niður að helgi...hehe get þá sofið aftur út   Annars var dagurinn í dag svo fljótur að líða að ég bara var allt í einu bara búin...átti eftir að gera helling...en samt líka búin að gera helling! Tíminn líður hratt eins og einn góður í vinnunni hjá mér myndi segja!  Já það er nú svo sem ekki mikið verið um að vera eins og sagt er...vorum á Höfn í góðu yfirlæti hjá henni Ragnheiði frænku og Bjössa...og audda Sigurborgu, Erni og Jóhanni (má ekki gleyma þeim). Fór að veiða eitt kvöldið þar og veiddi einn svona meðal fisk...og einn frekar lítinn sem ég sleppti, já og Bjössi veiddi ál! frekar fyndið. Síðan var mar í sólbaði og kíkt á röltið.  Er orðin góð af brunanum og er orðin fullfær til að fara aftur í sólbað... en líklegast fer nú haustið að koma...að minnsta kosti er að byrja að rigna núna og þá er spurning hvort það þorni einhverntíman aftur?? Vonum það nú samt... en jæja læt þetta gott heita í bili þangað til næst takið því rólega og njótið lífsins.

16.08.2006 16:16

sól og sumar...

þá kom sumarið! meirað segja á Höfn hehe   er búin að vera of virk í þessari sól í dag og má segja að líkaminn minn sé farinn að mótmæla og fer að verða peysudagur á mig það sem eftir er! Það verður einhver roði á mínum herðum á morgun...eða bara síðar í kveld! En já eðal veður og afslöppun í sveitinni.
Það styttist víst í vinnuna aftur og um að gera að njóta þessara daga sem eftir eru...spáir vel!  En verð líklega þá að fara í sólbað með fæturnar...sleppa efri hluta búksins hehe EN þangað til næst...farið varlega í umferðinni!

12.08.2006 19:28

gay pride

jæja gay pride í dag og audda var mar mætt til þess að taka myndir.  Rölti þarna um með Helenu og Kristjönu og var mikið gaman.  Þekkti nú nokkra í göngunni og skellti myndum af þeim audda...ég kannski dunda við að setja texta við myndirnar...á eftir að hugsa aðeins um það..enda segja þær örugglega bara alveg nóg. En mikið var nú bakið orðið þreytt þegar ég kom heim í dag...en það jafnar sig vonandi fljótlega. 
EN já svo sem lítið annað að segja...verið rólegt undanfarið...þvottavélin er komin í lag og kostaði ekki nema rétt 2000 kr að gera við hana núna...hækkar hægt og rólega hehe en vonandi dugar hún eitthvað áfram, enda ekki alvarlegt að núna...bara reimin farin. Þangað til næst farið vel með ykkur

11.08.2006 22:21

Webber...

er nú helv..flottur mar! ég og Helena skelltum okkur á stefnumót við hann í Smáralind í dag og var bara mjög gaman. OK..við náðum kannski ekki alveg einmennings stefnumótum við hann en náði einhverjum myndum af honum og síðan af pit stop keppninni.  Þær myndir eru komnar inn audda!
En þangað til næst....

10.08.2006 19:49

nóg að gera....

já það er nú nóg að gera þó svo mar sé nú í sumarfríi og planið hafi verið að slappa af hehe en ég neita því svo sem ekki að það hefur líka verið gert. En já á þriðjudag fór ég á smá fund vegna vinnunnar en það var planað fyrir frí...í góðu lagi það...síðan fór mar í hnykk í gær og í framhaldi af því þá tók ég mig til og þreif þessa núna hreinu en áður mjög svo skítugu íbúð sem ég bý í hehe en já það var víst kominn tími á það...að vísu ekki sniðugt að gera það sama dag og mar fer í hnykk...en hva..á tíma eftir næstu viku eins gott að hnykkjarinn minn lesi þetta ekki!  En já þetta tekur nú allt saman tíma og svo auðvitað að sinna naggrísunum þess á milli.  Í dag var nú sofið ágætlega..enda vakað aðeins í gærkveldi og horft á Magna í Rock star...og ég segi nú bara: GEÐVEIKT!!  já hann á hrós skilið fyrir frábæra frammistöðu og mun ég audda halda áfram að fylgjast með!  En já síðan í dag (eftir að ég vaknaði) þá borðaði mar morgunmatinn (hádegismat hehe), tékkaði á helstu fréttum á netinu, tölvupóstinum (fæ engann skemmtilegan tölvupóst!) og þegar þetta var búið var ákveðið að kíkja aðeins og versla fyrir naggrísina svo hægt væri að skipta um í búrinu hjá þeim.  Þegar ég kom heim setti ég í þvottavélina...og já hún gekk ágætlega...þangað til undir lokin þegar kom að þeytivindingu...úff ég hélt hreinlega að þvottahúsið væri að hrynja niður! En það er eitthvað að þvottavélinni það er nokkuð ljóst og verður spennandi að vita hvað það er...ég er nú audda búin að opna hana og kíkja bæði að aftan og ofaná en játa nú alveg að ég hef enga hugmynd um hvað er í gangi og vona að Siggi finni eitthvað útúr þessu í kvöld..mar verður nú að hafa þvottavél!  Þannig að já Halla viðgerðamaður mætti á svæðið en gat ekki gert við þannig að ákvað að sinna naggrísunum í staðinn og þreif hjá þeim.  Þeir stækka vel þessir ungar...og já úps ég missti einn aðeins í gólfið að vísu var það mjög lítil hæð..var bara að færa hann á milli svo ég gæti þrifið búrið...helv..læti í þeim svona þegar mar er að taka þá. En þeir eru núna í hreinu og fínu búri en verða líklega búnir að dreifa því um allt herbergið eftir smá stund! 
Jæja læt þetta duga í bili....hey gleymdi einu af afrekum dagsins...en ég bakaði súkkulaðiköku þessa einu sönnu...þannig að á með kaffinu í smá tíma ef einhver hefur hug á því að kíkja í kaffi
Síðan er það Mark Webber á morgun! Mar verður að hitta hann aftur þetta árið ekki satt??

p.s það er í lagi að kvitta og láta vita af sér! :)

09.08.2006 15:26

innsetning mynda

jæja ég er að setja inn myndir og verður eitthvað af myndunum í læstu albúmi en lykilorðið er það sama og venjulega og ef það eru einhverjir sem vilja skoða og vita ekki lykilorðið þá er bara að vera duglegur að biðja um lykilorðið.... allt vegna þess að sumum er bara ekki vel við að vera opinber á netinu og virði ég það

08.08.2006 21:36

Amma Dísa á afmæli í dag...

Ég veit að Amma er nú ekki mikið að lesa netið en óska henni nú samt til hamingju með daginn að vísu vorum ég og Helena að koma úr kaffi hjá henni en við skelltum okkur uppí Svignaskarð og hittum allt liðið.  Hittum einnig nokkra aðra ættingja þarna.  Amma hafði fengið margt og mikið í afmælisgjöf en ég bara hreinlega gleymdi að skoða það hehe það var svo mikið annað að gera.  En ég reyni að setja inn myndir fljótlega líka frá ferðinni í næstu viku en 123.is hefur verið í einhverju basli síðan á helgi og eru þeir að vonast til að þetta komist í lag í kvöld! 
En þangað til næst......hey gleymdi einu...Yaris fékk dekur í dag og fékk olíuskiptingu og skoðun og allt mar..þá er bara eftir að þrífa greyið! er ennþá í sumarfríi þannig að mar kannski gefur sér tíma í það á næstu dögum ef veðrið bíður uppá það...en nú get ég kvatt og segi bless!

07.08.2006 15:37

ferðasaga...smá löng hehe

Ætla að setja smá ferðasögu hérna inn.  En það var á þriðjudaginn síðasta sem við skötuhjúin ákváðum að heimsækja hann Guðbrand í Vatnsfirði.  Planið var að kíkja útí Borgarey sem er í Ísafjarðardjúpi.  Ætlunin var að tjalda bara á túninu hjá séra Baldri en á leiðinni vestur þá kom sú hugmynd upp að við myndum nú bara fara útí Borgarey og gista þar í veiðihúsinu. Já það var þvílíkt snilldar hugmynd.  Við komumst reyndar ekki strax útí eyju þar sem Guðbrandur þurfti aðeins að aðstoða við að koma bíl sem hafði oltið á réttan kjöl.  Sem betur fer urðu engin meiðsl á fólki miðað við hve illa bíllinn var farinn, auðvitað tók Halla paparazzi slatta af myndum hehe.  En já þegar leið á kvöldið var kominn tími á að skella sér útí eyju og fórum við á svokölluðum sjójak...hvað svo sem það er...í mínum huga er þetta bara gúmmíbátur...að vísu með hörðum botni.   Þetta var hin fínasta sigling og á leiðinni var mér sagt að það væri ekkert klósett á eyjunni...eins og þeir sem þekkja mig vel þá er ég nú ekki það mikið great outdoors að ég pissi mikið úti náttúrunni!!! En hvað fórnar mar sér ekki í ha....já Halla lét sig hafa það og pissaði alveg helling úti hehe er orðin sko great outdoors núna hehe

En já svona í einu orði sagt var þessi ferð FRÁBÆR!  Við sváfum útí eyju í tvær nætur og var það geggjað.  Þarna voru lundar á flugi allan tímann og var mar að fylgjast með þeim veiða og slást við aðra fugla um sílin.  Við fórum í land til að fara í sturtu í Reykjanesi og áttum góða stund þar.  Buðum svo Guðbrandi í grillmat á miðvikudagskvöldið og var mikið og margt spjallað eftir það. Guðbrandur fór með okkur í skoðunarferð um eyjuna og sagði okkur sögu hennar í stuttu máli.  Veðrið var meiriháttar báða dagana og náði mar aðeins að brenna á eyrunum.  En já gleymdi að segja frá því að þegar við vöknuðum fyrri daginn þá kom ég að fugli föstum í veiðihúsinu...hann hafði náð að festa annan fótinn einhvernvegin í járninu á húsinu en Siggi náði að losa hann og flaug hann í burtu en spurning hvað hann hefur lifað lengi því hann hafði greinilega misst mikið blóð.   Já þetta er svona ferðin í fáum orðum...gæti farið útí fullt af smáatriðum en læt það eiga sig ekkert víst að fólk nenni að lesa það...set bara inn myndir og þær hljóta að segja eitthvað. 

Við komum svo við hjá Ömmu í Odda á heimleið og gistum þar eina nótt.  Þar er auðvitað alltaf gott að koma og hægt að slappa af og spjalla.  Kötturinn Panda var þarna líka og er hún alveg ótrúleg í einu orði sagt...eltir mann uppi til að láta klóra sér og vælir á mann ef mar er ekki að standa sig nógu vel!

EN já ekki er allt komið enn því á laugardag fórum við uppí Svignaskarð og kíktum þar á föðurfjölskylduna mína en hún er þar að mestu leiti í tveim bústöðum.  Þar hittum við allt liðið og var síðan grillað og haft gaman fram á nótt.  Keyrðum nú í bæinn aftur um kvöldið og sváfum bara heima. 

Síðan hefur bara verið rólegheit og verður það á næstunni enda er mar í sumarfríi og Siggi er að vinna þessa vikuna.  Amma Dísa verður 80 ára á morgun og er á dagskrá að kíkja aftur uppí bústað og hitta hana á þessum merkisdegi. Helena systir ætlar að skella sér með mér. 

En jæja þetta er orðinn ágætis pistill og læt þetta duga í bili..ég set síðan inn myndir á eftir..eitthvað af þeim verður læstar en ekki vera feimin að biðja um aðgang...en ekki gleyma að taka fram hver það er sem biður um aðgang, fékk svoleiðis beiðni fyrir stuttu og ég hleypi nú ekki hverjum sem er í fjölskyldumyndirnar en öllum vinum og vandamönnum er velkomið að skoða.  Ég læsi nokkrum albúmum þar sem fólki líkar misvel að vera opinbert á netinu...og já sumar eru bara ekki til opinberrar birtingar hehehe

01.08.2006 12:40

Afmæli framundan!

Það er smá afmælissúpa framundan og er ég að spá í að skelli henni hérna á síðuna bara nokkra saman... En í fyrsta lagi þá á Döddi frændi afmæli í dag...Gyða tengdó á afmæli 3.ágúst og svo er það hann Bjössi sem á afmæli 5.ágúst! Ég óska þeim öllum innilega til hamingju með afmælið
Sól og sumar...og áframhaldandi sumarfrí
  • 1
Flettingar í dag: 6656
Gestir í dag: 12
Flettingar í gær: 887
Gestir í gær: 11
Samtals flettingar: 822987
Samtals gestir: 105138
Tölur uppfærðar: 25.5.2018 12:35:53