Færslur: 2008 Maí

29.05.2008 20:18

ja hérna tja...

ok! ég skrifaði um jarðskjálfa hérna rétt um kl 15:00 og var hann víst um 3,2 stig stuttu síðar eða um 15:45 kom annar og hann var alveg já ég veit eiginlega ekki hvernig ég á að lýsa honum...en kannski bara skelfilegur.  Ég sem sagt var á Hótel Selfossi á fundi og ég sver það að ég hélt að þessi skjálfti ætlaði aldrei að enda...fyrstu viðbrögð voru einfaldlega þau að maður beið....en það dugði ekki lengi því hlutir úr loftinu fóru að hrynja ofaná mann og þá þýddi ekkert annað en að skríða undir borð! og þar hélt maður sig þangað til þetta var yfirstaðið og þá rauk maður upp...reif tölvuna úr sambandi, myndavélin um hálsinn og bara út!!   
Ég skildi það auðvitað ekki eftir! hægt að hlægja að því eftirá!
En tíminn eftir þetta var bara bið...bið eftir því hvað myndi gerast og hvort við gætum haldið áfram með fundinn okkar. En annars bjargaði þessu hvað veðrið var gott og ekkert mál að vera bara úti. Verra var það þegar mar þurfti að pissa...manni var nú ekkert vel við það að fara inní húsið til að pissa en við fengum það til að byrja með en svo kom slökkviliðið og fyrirskipaði að hótelið yrði allt rýmt og ekki hleypt inní það að minnsta kosti í klukkutíma.
Maður fann nokkuð vel fyrir eftirskjálftum en við vorum við Tryggvaskála en þar áttum við að vera í einskonar kokteilboði í boði bæjarstjóra en hún var auðvitað upptekin en við borðuðum smá snittur utandyra því ekki mátti vera inni.
En já..veit ekki hvað er meira hægt að segja, ákveðið var að fresta þessum fundi um óákveðin tíma og morgundagurinn er því bara venjulegur vinnudagur.  Ekki tókum við áhættu á því að vera þarna áfram enda var hótelið ennþá lokað þegar við fórum kl 19:00. Fengum að fara inn í 2ja manna hópum til að ná í dótið okkar á herbergjunum.


Fundarherbergið okkar, tvær rúður voru sprungnar.


Líka úr fundarherberginu okkar.

Er að fara að setja fleiri myndir inná síðuna...hægt að kíkja þar, myndir bara frá deginum í heild.  Takk fyrir mig...og já það skemmdist ein mynd hér í fjöllunum... ramminn utan af myndinni eftir Fanney er ónýtur en myndin bjargaðist þannig að þarf bara að fá nýjan ramma...ætli hún reddi manni nýjum ramma?

29.05.2008 15:26

jarðskjálfti

bein útsending frá jarðskjálfa...fann hann alveg ágætlega  er á Hótel Selfossi og þar drundi vel í öllu þegar skjálftinn fór yfir.

28.05.2008 21:42

andlaust heiti..

já það er bara andleysi í gangi núna...veðrið að verða ágætt og mar verður andlaus í leiðinni. Það er bara hið besta að frétta úr fjöllunum, mar er búin að jafna sig eftir króksferðina á síðustu helgi enþað var smá þreyta í manni á sunnudeginum.  Vikan hefur annars verið fljót að líða og er stefnan tekin á Selfoss á morgun en þar er aðalfundur sem ég fer á. Síðan kemur í ljós hvað verður gert um helgina. Það er að minnsta kosti svaka hátíð hér í bæ í tilefni af 100 ára afmæli. Þannig að ég hvet alla til að kíkja í það...ýmislegt í gangi.
Mjallhvít hefur mikla ánægju af flugunum núna og fékk eina hunangsflugu í heimsókn áðan. Spurning hvort var hræddara Mjallhvít eða flugan! hehe bara fyndið þegar flugan elti Mjallhvíti og hún hljóp á undan henni.

25.05.2008 11:28

Helgarstuð

Kominn sunnudagur bara...finnst eins og það hafi bara verið föstudagur í gær enda kannski ekki skrýtið mar var bara á ferð og flugi í gær.  Fór auðvitað á Krókinn og lagði af stað um kl 8:00 í gærmorgun, var með einkabílstjóra með mér hehe en my darling fór með mér.  En við vorum komin á Krókinn á góðum tíma bara og var byrjað á því að fara í blómabúð og láta pakka rammanum inn og smá blóm með. Síðan fórum við í íþróttahúsið og var verið að undirbúa þar myndatökuna fyrir útskriftarnema. 
Athöfnin hófst kl 14:00 og fyrir hana koma í ljós að við vorum 6 úr árgangnum okkar stödd þarna og var mjög gaman að hitta þau.  Í tilefni dagsins þá gáfum með nemendafélaginu smá peningagjöf sem þeir geta notað í leiklistastarfið í skólanum en það er mjög öflugt.  En hér má sjá hópinn með fulltrúa nemendafélagsins í gær:

Frá vinstri: Ólöf, Siddi, Friðrik, Unnar, Erlingur, Halla og Stebbi. Myndasmiður Siggi.

En síðan á eftir að koma í ljós hvort gangi að undirbúa hitting núna í júní en við stefnum að því.  Yrði bara gaman!

22.05.2008 23:17

this is my life...

á mar ekki að taka þátt í þessu brjálæði...hehe  en já annars var planið í kvöld að fara útað borða með Árbjörgu og Unni en það breyttist í gærkveldi og frestaðis eitthvað aðeins...en ég gat nú ekki sleppt því að borða þannig að ég bauð bara Árbjörgu í mat og við fengum okkur þetta fína kjöt og meðlæti í kvöld, Siggi fékk auðvitað líka hehe  
En já annars þá bara hefur bara verið mikið að gera síðustu daga í undirbúningi vegna 20 ára stúdentaafmæli en það byrjaði með saklausum tölvupósti á sunnudagskvöldið og endaði síðan í dag með því að við erum búin að ná saman 25 netföngum sem eru allir þeir sem útskrifuðust árið 1988.  Það er ekki mikið búið að plana en allt tilbúið samt fyrir laugardaginn þó svo margir hafi ekki tök á því að mæta í útskriftina. En ég held ég sé bara orðin eiginlega 100% viss um að fara...verður samt dáldið skrýtið að fara og þekkja engann...nema tvo kannski...kemur í ljós á morgun hvort það verða fleiri, en finnst það einhvernvegin samt þess virði að fara! veit ekki afhverju en bara finnst það hehe   Síðan er reyndar verið að skoða hvort við ættum að hittast núna 14.júní næstakomandi..gæti orðið bara gaman held ég! Væri gaman að hitta þetta lið aftur að minnsta kosti yrði örugglega ekki leiðinlegt!  Sumir ennþá að jafna sig eftir útskriftaferðina hehe...kannski mar ætti að skanna inn myndir á morgun og setja á netið hmmm gæti orðið athyglisvert hehe! góð hugmynd....ákveðið!
Það er bara fínt að frétta úr fjöllunum...bakið orðið svona þokkalegt....
Síðan er það útskriftarveisla á morgun hjá Söru og er það beint eftir vinnu á morgun. 
Læt þetta duga í bili...farið vel með ykkur!

20.05.2008 18:18

hmmm

jæja voðalega líður allt hratt...ætla bara að stikla á stóru hérna núna....fór útað borða með matarklúbbnum í gær...er að fara á matreiðslunámskeið eftir sirka 10 mínútur..fer útað borða á fimmtudaginn með Árbjörgu og Unni..hmm ætli ég borði eitthvað meira þessa vikuna...hmm já útskriftarveisla á föstudaginn og svo er spurning hvort það er Krókurinn á laugardaginn... að minnsta kosti er 20 ára stúdentaafmæli á morgun! jibbíjeyhey! ætli mar eigi að vera með húfufjandann þá hehe En jæja best að fara að undirbúa sig fyrir brottför....
uppfærsla á bakinu:  komst til kíró og það er alveg að bjarga mér! fór í gær og í dag og er orðin göngufær!

17.05.2008 12:36

Hún á afmæli í dag....

Já hver skyldi nú eiga afmæli í dag??? Hér er mynd af afmælisbarni dagsins og viti menn hún er alveg 1 árs!

mar verður nú að gefa henni smá aukamat í dag þó hún megi ekki fá mikið auka vegna ofnæmis...en mar er nú bara einu sinni eins árs!

17.05.2008 10:15

úrslitin...

það er farið að spyrja um hver úrslitin hafi verið í keilunni og kannski ég uppljóstri því hérna...við náðum nú ekki fyrsta sætinu en við náðum sko númer 2! og fengum verðlaunapening og allt. Við vorum alveg svakalega ánægð með þau úrslit þar sem brautin okkar var alltaf að bila og við fengum ekki stigin okkar og alls konar vitleysa, gáfumst á endanum uppá þessari braut og fengum nýja.  Ég tel þetta bara nokkuð gott miðað við 800 mg íbúfen...hér má sjá mynd af liðinu mínu:

En þarna má sjá mig, Einar, Guðrúnu og Halldóru (fyrsti dagurinn hennar í vinnunni, ekki amarlegt að vinna keilumót þann dag)
En já svo eru það afleiðingar keilumóts og einhvers annars....800 mg íbúfen virkar ekki lengur greinilega kláraðist skammturinn á fimmtudaginn sem þýðir að ég er ekkert ofboðslega góð í bakinu, held bara að ég hafi ekki verið svona slæm í einhver 6 ár eða svo...jafnvel lengur! Þarf að hringja í Kíró á mánudaginn, náði ekki í hann í gær. Þetta er frekar pirrandi þar sem ég hef verið svo góð núna í nokkur ár og svo bara kemur þetta útfrá ENGU! Bara búið að stigmagnast dag frá degi síðan á síðustu helgi. Ok ég veit að keilan bætti þetta ekki...en mar fórnar sér nú aðeins fyrir liðið sitt! hehe  
Annars var ég á fundi í gær frá kl 13:00 sem endaði svo með kvöldmat um kl 19:00 þannig að það var smá törn í gær líka, sem er ekki það besta fyrir skrokkinn á manni en mar nennir ekki að kvarta mikið í fjölmenni...nema á netinu hehe þannig að þið fyrirgefið mér þó ég röfli yfir sársauka og kvölum hér, ágætt að geta sett þetta hérna niður, veit svo sem að það eru ekkert margir sem lesa þetta væl í mér hehe  en jæja ætla að hætta þessu væli núna og athuga hvort 800 mg virki eitthvað í dag...helv...helv..

15.05.2008 16:47

keila keila stuð

keilukeppnin er á eftir og auðvitað ætlum við í vinnunni að mala þetta! hehe verðum með 3 lið á þessu ári! Þannig að meiri möguleikar á því að vinna...en kannski verður bara aðalmálið að vera með!   segjum það að minnsta kosti núna.....  Spurning hvort bakið á mér þoli þetta...er búin að vera frekar slæm síðustu vikuna en mar skellir bara í sig ca 800 mg íbúfen og þá hlýtur allt að lagast! ekki satt??

14.05.2008 21:25

Partý hjá Mjallhvíti

nú er alltaf fjör hjá Mjallhvíti...enda virðist vera nóg af hunangsflugum í gangi núna, það var smá partý hérna inni áðan og bauð Mjallhvít tveim í heimsókn og var svo gestrisin að bjóða þeim sæti í glugganum!

Voða huggulegt að fá svona gesti..ég ákvað nú bara síðan að henda þeim út...það var svo mikill hávaði í þeim hehe spurning hvort þeir vilja koma aftur!  Mjallhvít er ennþá að bíða eftir því að fleiri komi í heimsókn.

11.05.2008 23:35

Mjallhvít alltaf jafndugleg

Er að setja inn myndbönd af Mjallhvíti að hjálpa til við að búa um rúmið...ekki amarlegt að fá svona aðstoð.  Hún var nokkuð ánægð með verkið sitt eins og sjá má hér

endilega kíki á myndbandið/böndin líka

11.05.2008 15:12

Hvítasunnudagur

gleðilegan hvítasunnudag og sendi auðvitað henni móður minni kærar kveðjur í tilefni mæðradagsins...get ekki gefið henni blóm þar sem hún stakk af norður á Strandir! í snjóinn hehe  
Við skötuhjúin ákváðum að dvelja bara í bænum þessa helgina, en er ég bara búin á því að vera í burtu síðustu tvær helgar og finnst bara ansi gott að vera heima þessa helgina! Afslöppun og huggulegheit...elda eitthvað gott í kvöld og svona, svo er okkur boðið í mat til tengdó á morgun. 
Ég var annars í góðum hópi áðan en ég tók þátt í smá verkefni vegna kvikmyndar sem er verið að taka þessa dagana, skilst að það sé síðasti tökudagur í dag. Ég var ekki að leika..tek það skýrt fram en starfsmenn úr vinnunni hjá mér tóku smá þátt og stóður sig auðvitað frábærlega og var gaman að taka þátt í þessu verkefni með þeim.  Fylgjast með á hliðarlínunni hvernig þetta fer allt saman fram, en aulinn ég gleymdi myndavélinni auðvitað heima en ég geymi þessa minningu bara í kollinum hehe   Þannig að mar er ekki alveg búin að vera aðgerðarlaus um helgina, tók meirað segja til hér með stæl og þurrkaði af og allt! úff man ekki hvenær ég gerði það síðast enda sást það á tuskunum sem notaðar voru í verkið..ótrúlegt hvað mar er mikill sóði...hmm eða bara íbúðin sóði að safna svona ryki?   Þannig að nú er allt sjæn og fínt í fjöllunum...spurning hvað það verður lengi.
Tók mig meirað segja til að líma saman hér ýmsa hluti sem höfðu brotnað þegar Mjallhvít var bara pínulítill kettlingur..t.d handalausar englastyttur, hauslaus englastytta (ætli henni sé illa við engla), brotinn blómavasi, kertastjaki hmm og já gæti haldið áfram að telja upp hehe nokkuð góð frammistaða hjá kvikindinu.  En hún er alveg hætt þessu núna enda orðin dönnuð dama enda að vera 1 árs núna 17.maí. 
Það hefur nú ýmisslegt gerst um hvítasunnuna í mínu lífi...t.d þá fermdist ég á hvítasunnudag árið eitthvað...hmm ætli það hafi ekki verið 1982 (úff púff) en þá var hún 30.maí og Helena systir átti afmæli þá líka.  Svo var það sirka 6 árum síðar að ég útskrifaðist sem stúdent á laugardeginu 21.maí 1988 sem var hvítasunnuhelgin. Þannig að ég á víst 20 ára stúdentaafmæli núna á næstu dögum! vá skyldi mar vera að eldast...hvert fóru öll þessi ár hehe þau hafa reyndar verið alveg frábær!  Ég held það hafi nú ekki verið hvítasunnuhelgi þegar ég útskrifaðist frá Þroskaþjálfaskóla Íslands en það verða 15 ár núna 22.maí n.k. Þannig að ég get alveg haldið uppá fullt af afmælum næstu daga...stanslaust sukk bara!
Mig langar nú alveg á útskriftina á Króknum núna 24.maí en ég veit bara ekkert hvort að árgangurinn minn ætli að gera eitthvað...væri spennandi að vita ef einhver veit! á nú reyndar ekki von á því að einhver sem var með mér í skóla á Króknum lesi hérna, þannig að ég þarf líklega að leita að þeim upplýsingum sjálf hehe bömmer! 
En best að hætta þessu bulli núna...virðist ekki geta hætt...

08.05.2008 20:02

flugnatímabil

já það eru komnar slatta af flugum á ferð...og er Mjallhvít alveg ágætlega ánægð með það...hún vill helst bara vera útá svölum og leika við flugurnar en þær fljúga í burtu.  Ég er nú ekkert endilega hrifin af því að þær komi hérna inn og tel mig nú fylgjast ágætlega með því að það komi ekki mikið af flugum hérna..hvað þá stórar! En svo skildi ég ekkert í því hvað kattarkvikindið var eitthvað rólegt núna í dag/kvöld og hélt sig inní herbergi....ákvað síðan að tékka á því og viti menn..var ekki þessi fína og dúndurfeita hunangsfluga þar í glugganum og spurning hvort Mjallhvít var búin að lama hana eitthvað því hún var frekar veikluleg í fluginu.  Ég ákvað að sleppa greyinu útí frelsið og var Mjallhvít ekki paránægð með mig þá og leitaði að flugugreyinu á gólfinu og svona  híhí...en ætli hún bíði ekki bara eftir næstu flugu og þá verður aftur gaman hjá henni...en vil alveg sleppa við þessar hlunkaflugur!
Annars er sama gamla sagan úr fjöllunum, allt í góðum málum og gróðurinn að taka við sér...sem þýðir að ég þarf eiginlega að fara að muna eftir því að ná í ofnæmislyfin mín...svo langt síðan ég pantaði þau að ég man varla hvar þau eru hehehe 

05.05.2008 18:07

Finally home

jæja þá er ég komin heim aftur...er alltaf að koma heim hehe en já kom frá Köben í gærkvöldi eftir mjög skemmtilega helgi...og daga fyrir helgina líka. Var í fjóra daga núna úti á ráðstefnu fyrir CISV og var mikið gaman að henni.  Set kannski inn myndir á eftir, er ennþá að setja inn myndir frá hinni Danmerkurferðinni...
Annars finnst fólki oft maður dáldið skrýtin í þessu CISV dæmi...t.d er mar nú alveg bráðum að verða fertug og ég svaf um helgina í herbergi með 4 öðrum og þar á meðal var ungur strákur frá Lettlandi....allir spyrja mig hvernig þetta er eiginlega hvort það sé ekki hægt að fá sér herbergi eða að minnsta kosti með kvenfólki....en svona er bara CISV hehe  og já meðal annars líka hverjir dansa YMCA kl 9 á laugardagsmorgni (7 að íslenskum tíma)??? jú CISVarar! bara gaman hehe set kannski inn myndband af því á eftir ef allt gengur vel að setja inn
Ætli ég hafi keypt eitthvað í þessari ferð?? hmm tja sko...var nú bara nokkuð sparsöm held ég...einn kjóll og tveir leggings...er það ekki bara nokkuð lítið?? ég er alveg að fríka út á einhverjum kjólum núna...skil ekkert í þessu er sem sagt búin að kaupa held ég fjóra núna á stuttum tíma hehe
En já núna er bara alveg heil vinnuvika framundan...og svo löng helgi, ætli mar geri ekki eitthvað þá bara?? skýrist fljótlega.
En best að hætta þessu bulli núna og reyna að klára að koma inn einhverjum myndum   en þær eru ekki í tímaröð og það pirrari mig mikið..en reyni að missa mig ekki yfir því!
  • 1
Flettingar í dag: 6656
Gestir í dag: 12
Flettingar í gær: 887
Gestir í gær: 11
Samtals flettingar: 822987
Samtals gestir: 105138
Tölur uppfærðar: 25.5.2018 12:35:53